Պոլսահայ գրող, լրագրող Սևան Նշանյանը 4 տարվա ազատազրկման է դատապարտվել

Թուրքիայում բնակվող հայ լեզվաբան, գրող, լրագրող Սևան Նշանյանին 4 տարվա ազատազրկման են դատապարտել:

Ինչպես տեղեկացնում է թուրքական Demokrathaber կայքը, ապօրինի շինություն կառուցելու գործով դատավարության ավարտին դատարանը նրան 4 տարվա ազատազրկման է դատապարտել։ Դատավճռի հրապարակումից հետո Նշանյանը Twitter-ում տեղեկացրել է, որ շաբաթվա վերջին բանտարկվելու է։

Նա տեղեկացրել է, որ ազատազրկվելու է Իլյասթեփեում իրեն պատկանող հողատարածքում անօրինական տուն կառուցելու մեղադրանքով։

Հիշեցնենք, որ ավելի վաղ Նշանյանի դեմ գործ էր հարուցվել «ժողովրդի մի մասի կրոնական արժեքները վիրավորելու» մեղադրանքով, և պահանջվում էր մինչև 1.5 տարվա ազատազրկում։

Պոլսահայ գրողի դեմ բողոքել էին Թուրքիայի 15 քաղաքացիներ՝ հայտարարելով, որ նա իր անձնական բլոգում վիրավորանք է հասցրել Մուհամմեդ մարգարեին։

http://www.tert.am/am/news/2013/12/13/nishanyan/