Թուրքիայի խորհդարանում գլխաշորով ելույթ ունեցած առաջին կին պատգամավորը

Թուրքիայի ազգային մեծ ժողովում (ԹԱՄԺ-TBMM) մի քանի օր է, ինչ քննարկվում է կառավարության ներկայացրած երկրի գլխավոր ֆինանսական փաստաթուղթը` 2014 թվականի բյուջեն: Խորհրդարանական քննարկումների մասին իրազեկող թուրքական «Հաբերլեր» լրատվական կայքը նշում է, որ իշխող Արդարություն և զարգացում կուսակցության (ԱԶԿ-AKP) պատգամավոր տկն. Ջանան Ջանդեմիր Չելիքն օրենսդիր մարմնին ներկայացել է մուսուլմանական գլխաշորով (հիջաբ):

Ելույթ ունենալով խորհրդարանի ամբիոնից` Ջանդեմիր Չելիքը բյուջեի մասին կարծիք հայտնելուց հետո արժանացել է ԱԶԿ-ական պատգամավորների ծափահարություններին:

Լրատվամիջոցը նկատել է տալիս, որ նման արտաքինով և նման պահվածքով Ջանդեմիր Չելիքը պատմության մեջ մտավ որպես Թուրքիայի խորհրդարանի ամբիոնից գլխաշորով ելույթ ունեցած առաջին ու առայժմ միակ պատգամավորը:

http://ermenihaber.am/?lang_id=2&news_=7&cur_news=1108