Թուրքիայի արտգործնախարար Ահմեդ Դավութօղլուիˋ երեկ Հայաստան կատարած այցից հետո, թուրքագետ Ռուբեն Սաֆրաստյանը որեւէ փոփոխություն չի ակնկալում հայ–թուրքական հարբերություններում:
Այս մասին նա ասաց Araratnews.am-ի հետ զրույցում:
«Փոփոխություններ չեմ ակնկալում, որովհետեւ դրա համար նախադրյալներ դեռեւս չեմ տեսնում»,-ասաց նա:
Այն հարցին, թե ինչպես կարելի է գնահատել Թուրքիայի արտգործանախարարի մեկանաբանությունները հայ-թուրքական սահմանի բացման առնչությամբ, որը մշտապես Թուրքիան կապում է հայ-ադրբեջանականի հետ, Սաֆրաստյանը պատասխանեց.
«Դա գնահատում եմ, որպես Թուրքիայի քաղաքականության շարունակություն, որը որդեգրել է Հայաստանի նկատմամբ եւ Հայաստանի հետ հարաբերությունների կարգավորման գործընթացում: Այն, ինչ որ նա ասում է եւ անում է վերջին տարիներին, հիմա էլ նույն բանը շարունակվում է, ես նոր բան չեմ տեսնում: Թուրքիան չի փոխել իր քաղաքականությունը Հայաստանի նկատմամբ, եւ դրա համար, նոր զարգացումներ չեմ ակնկալում»:
Լիլիթ Առաքելյան
Araratnews.am
Leave a Reply