Թուրքական մամուլը` Ադրբեջանում կաշառակերության մասին

Ադրբեջանի մայրաքաղաք Բաքվում և այլ շրջաններում ներդրումներ կատարած գործարարները դժգոհում են հարկային քաղաքականությունից` պնդելով, որ Ադրբեջանի հարկերի նախարար Ֆազիլ Մամեդովի ներկայացուցիչները սկսել են իրենց ամենամյա կաշառակերության արշավը: Այս մասին տեղակացնում է թուրքական «Դյունյաբյուլթենի» լրատվական կայքը:

Ըստ աղբյուրի, բացի նրանից, որ գործարարներից գանձվում է 10-30 հազար մանաթ (մոտ 12-38 հազար դոլար) կաշառք, նրանց ստիպում են պետական վճարումները ևս  15-20 %-ով ավել անել:
Նշվում է, որ այս երևույթը վերածվել է ամենամյա ավանդույթի, և ադրբեջանցի այն գործարարները, որոնք հրաժարվում են կաշառք վճարել, հետապնդվում են ու շանտաժի ենթարկվում:

Գործարարները ասել են նաև, որ կաշառքի վճարման համակարգը «կատարելագործվել է», և եթե դա նախկինում առձեռն էին վճարում, ապա ներկայում բանկային փոխանցում են անում հարկային տեսուչների հաշիվներին:

http://ermenihaber.am/?lang_id=2&news_=7&cur_news=1104