Թուրքական «Սաբահի» հաղորդմամբ՝ Թուրքիայի վարչապետ Թայիփ Էրդողանը հայտարարել է, թե այս տարի երկրում տեղի ունեցած զանգվածային ցույցերը Թուրքիայի տնտեսությանը 18 մլդ լիրայի վնաս են հասցրել:
Էրդողանի խոսքերով՝ տարվա կեսերին Թուրքիայի տարբեր քաղաքներում տարածված բողոքի ակցիաները բացասաբար են ազդել երկրի տնտեսության վրա:
Նշենք, որ այս տարվա մայիսին Ստամբուլում Թաքսիմի Գեզի այգու համար սկսված ցույցերը վերածվեցին հակակառավարական ելույթների: Թուրքիայի մոտ 79 շրջաններում երեք շաբաթ շարունակ ցույցերին մասնակցել է մոտ 2,5 մլն մարդ: Ոստիկանության կիրառած ուժի հետևանքով ձերբակալվել է 4,9 հազար քաղաքացի:
Leave a Reply