Վերջին իրադարձութիւնները ցոյց են տալիս, որ ԱՄՆ–ում, երբ ինչ–որ մէկը եթէ նախագահի թեկնածու է, նա խօսում է Հայոց Ցեղասպանութեան մասին՝ յուսահատ կերպով ձայներ ձեռք բերելու համար: Սակայն, պաշտօնը ձեռք բերելուց յետոյ՝ նրանց յայտարարութիւնները տեղ են բացում իրական քաղաքականութեան համար՝ հետապնդելով նպատակայարմար քաղաքական օրակարգ (Թուրքիայի հետ հեշտ յարաբերութիւններ), չնայած բարոյական նկատառումների բացակայութեանը:
Panorama.am- «The Fresno Bee» պարբերականը տպագրել է իրաւաբան Մարշալ Մուշիղեանի հեղինակած յօդւածը՝ «Հռոմի պապը ամուր դիրքորոշում ունի Հայոց Ցեղասպանութեան հարցում» վերնագրով:
Ստորեւ ներկայացնում ենք յօդւածը՝ որոշ կրճատումներով. «Ոչ մի յատուկ կամ նշանակալից բան չկայ Վատիկանի` Հայոց Ցեղասպանութեան պաշտօնական ճանաչման հարցում: Գնալով աւելի ու աւելի շատ կառավարութիւններ են նայում փաստերին, յետոյ նայում Թուրքիայի ժխտողական անհիմն քաղաքականութեանը, այնուհետեւ նայում հայելու մէջ եւ տրամաբանական եզրակացութեան գալիս. ոչ միայն ցեղասպանութիւն է տեղի ունեցել, ոչ միայն խորացել է չճանաչման փաստը, այլեւ հիմնականում արդարութեան պահանջ է անհրաժեշտ:
Այս ճանաչումը կարեւոր նշանակութիւն ունի: Հռոմի պապը, այն ժամանակ դեռ կարդինալ Բերգոլիօն, Բուէնոս Այրէսում Հայոց Ցեղասպանութեան 91-րդ տարելիցին նւիրւած ոգեկոչման միջոցառումների ժամանակ Թուրքիային կոչ արեց անվերապահօրէն ճանաչել Հայոց Ցեղասպանութիւնը՝ որպէս «հայ ժողովրդի եւ ամբողջ մարդկութեան դէմ Օսմանեան Թուրքիայի կողմից իրականացւած ծանրագոյն ոճրագործութիւն»:
Վերջին իրադարձութիւնները ցոյց են տալիս, որ ԱՄՆ-ում, երբ ինչ-որ մէկը եթէ նախագահի թեկնածու է, նա խօսում է Հայոց Ցեղասպանութեան մասին՝ յուսահատ կերպով ձայներ ձեռք բերելու համար: Սակայն, պաշտօնը ձեռք բերելուց յետոյ՝ նրանց յայտարարութիւնները տեղ են բացում իրական քաղաքականութեան համար՝ հետապնդելով նպատակայարմար քաղաքական օրակարգ (Թուրքիայի հետ հեշտ յարաբերութիւններ), չնայած բարոյական նկատառումների բացակայութեանը:
ԱՄՆ-ի նախագահներ Բուշը եւ Օբաման այս կատեգորիային են պատկանում: Հռոմի պապը այս հարցում տարբեր է: Նա պնդում է իր դիրքորոշումը, չնայած իր բարձր կարգավիճակին, եւ դա իսկապէս հրաշք է, եւ նա էլ սուրբ է: Կաթոլիկները Եւրոպայի բնակչութեան մէկ քառորդն են կազմում: Թուրքիան «ճանկռում է» Եւրոպայի դուռը, սակայն այս ուղղութեամբ ոչ մի նշանակալից ձեռքբերում չի ունեցել:
Բոլորն էլ գիտեն, թէ ինչ է տեղի ունեցել հայերի հետ: Եւրոպայի բոլոր կաթոլիկները պէտք է հասկանան, որ Թուրքիային թոյլ տալով ներս մտնել, նրանք թոյլ կը տան ներս մտնել մի խմբի, ով կարծում է, թէ ցեղի բնաջնջումը հիմնւած է ազգային ինքնութեան եւ քրիստոնէական հաւատքի վրայ, եւ դա ընդունելի վարքագիծ է:
Օսմանեան կայսրութեան թուրքերը այսօր ձեւացնում են, որ ոչինչ էլ տեղի չի ունեցել: Հռոմի պապը յայտարարել է, որ «Մարդու արժանապատւութիւնը ոտնահարելը լուրջ մեղք է»: Նա նաեւ ընդունում է, որ աւելի մեծ մեղքը հետքերը մնալու թոյլ տալն է»:
Leave a Reply