Թուրքիայում համարակալում են Հայկական հարցն ուսումնասիրող ուսանողներին

Թուրքական պատմագիտական ընկերությունը (Türk Tarih Kurumu/TTK) Բարձրագույն կրթության խորհրդի միջնորդությամբ Թուրքիայի համալսարաններ ուղարկած փաստաթղթով պահանջել է Հայկական հարցի վերաբերյալ ուսումնասիրություններ կատարող ուսանողների  տվյալները:

«Ակօս» թերթը հրապարակել է փաստաթղթի օրինակը, որը ստորագրված է անձամբ Թուրքական պատմագիտական ընկերության նախագահ Մեհմեթ Մեթին Հյուլագուի կողմից:

Փաստաթղթում մասնավորապես ասված է. «Հայոց ցեղասպանության պնդումների վերաբերյալ ուսումնասիրություններում օգտագործելու նպատակով անհրաժեշտ են Հայկական հարցի վերաբերյալ ուսումնասիրություններ կատարող ուսանողների  անուն-ազգանունները, աշխատանքների վերնագրերն ու կոնտակտային տվյալները»:

«Ակօս»-ը փորձել է պատմագիտական ընկերության նախագահից ճշտել տվյալների հավաքագրման իրական պատճառը, սակայն վերջինս ընդհանրապես հերքել է իր ստորագրությամբ փաստաթուղթ ուղարկվելու փաստը: Թուրքական պատմագիտական ընկերության մեկ այլ պատասխանատուից էլ թերթը տեղեկացել է, որ փասթաթղթերը ուղարկվել են Թուրքական պատմագիտական ընկերության նախագահի ցուցումով, իսկ դրա նպատակը իրենք չգիտեն:   

http://ermenihaber.am/?lang_id=2&news_=7&cur_news=1100