Գեզի պուրակի գործով մեղադրականն արդեն պատրաստ է. 255 մարդու մեղադրանք է ներկայացվել

Ստամբուլի Գեզի պուրակի իրադարձությունների գործով Թուրքիայի գլխավոր դատախազությունը մեղադրական եզրակացություն է ներկայացրել 255 անձի վերաբերյալ, որոնցից 7-ը՝ օտարերկրացի։

Ինչպես տեղեկացնում է թուրքական Sabah օրաթերթի կայքը, մեղադրանքներ են ներկայացվել Թուրքիայի Քրեական օրենսգրքի տարբեր հոդվածներով, այդ թվում՝ ոստիկանությանը դիմադրություն ցույց տալու, պետական ծառայողներին պաշտոնի բերմամբ անպատվելու, պետական գույքը վնասելու, և այլ մեղադրանքներով։

Գործն արդեն ուղարկվել է դատարան։

Հիշեցնենք, որ մայիսի վերջին Գեզի պուրակում ցույցեր էին սկսվել այգու ծառահատումների և դրա տեղում առևտրի կենտրոն կառուցելու որոշման դեմ, որոնք վերաճել էին հակակառավարական ցույցերի։

http://www.tert.am/am/news/2013/12/10/gezi-park/