Թուրքիայի արտգործնախարար Ահմեթ Դավութօղլուի երևանյան այցի ծրագրում ոչ մի փոփոխություն չի կատարվել: Այս մասին հայտնում է թուրքական «Հյուրրիյեթ» պարբերականը` նյութը վերնագրելով ՀՀ փոխարտգործնախարար Շավարշ Քոչարյանի` օրերս հնչեցրած խոսքերի հետևյալ հատվածով` «Դավութօղլուն թող այցելի Ցեղասպանության հուշահամալիր»:
Լրատվամիջոցը տեղեկացնում է` ըստ նախատեսված կարգի` Դավութօղլուն կմեկնի Երևան, կմասնակցի Սևծովյան տնտեսական համագործակցություն (ՍԾՏՀ) կազմակերպության անդամ երկրների արտգործնախարարների նիստին:
«Արդեն սկսվել են Հայաստանի իր պաշտոնակցի հետ տեղի ունենալիք հանդիպման համար նախապատրաստական աշխատանքները: Սպասվում է, որ այդ հանդիպմանը Հայաստանի ու Ադրբեջանի միջև ծագած ղարաբաղյան հիմնախնդրի լուծման բանակցային գործընթացի հետ միասին կքննարկվի նաև ցյուրիխյան արձանագրությունների վերակենդանացման հարցը»,- գրում է «Հյուրրիյեթ»-ը:
Leave a Reply