Հայաստանի եւ Ռուսաստանի նախագահներ Սերժ Սարգսյանն ու Վլադիմիր Պուտինն այցելել են Ցեղասպանության զոհերի հուշահամալիր եւ ծաղիկներ դրել: Հիշեցնենք, Ռուսաստանի առաջնորդը պետական այցով դեկտեմբերի 2-ին ժամանել է Հայաստան:
Հայոց ցեղասպանության թանգարան-ինստիտուտի տնօրեն Հայկ Դեմոյանը Սերժ Սարգսյանին եւ Վլադիմիր Պուտինին հանձնել է 1915թ. ցեղասպանությունից փրկված հայերին օգնելու համար բարեգործական նպատակներով Պետրոգրադում թողարկված մեդալի ոսկե կրկնօրինակները:Մեդալի վրա Ռուսական կայսրության զինանշան երկգլխանի արծվի եւ հայկական ավանդական խաչի պատկերներն են՝ հետեւյալ գրությամբ. «Ռուսք առ հայս ի ժամու փորձանացս»:
Նշենք, որ Ցեղասպանության 100-ամյակի նախաշեմին իրականացվող վերանորոգման աշխատանքների պատճառով՝ Ցեղասպանության թանգարանի էքսպոզիցիաներն այս պահին այլ վայր են տեղափոխվել: Ուստի, ՌԴ նախագահ Վլադիմիր Պուտինը չկարողացավ այցելել թանգարան:
ՌԴ նախագահ Վլադիմիր Պուտինի նախորդ այցը Հայաստան կայացել էր 2005թ. մարտի 24-25-ին:
Leave a Reply