Ինչպես հաղորդում է թուրքական «Հաբերլերը», երեկ Թուրքիայի Հանրապետության հիմնադրման 90 ամյակը նշել են նաև Ադրբեջանում: Ադրբեջանում Թուրքիայի դեսպան Իսմայիլ Ալպեր Ջոշքունը այս առիթով անդրադարձել է հանրապետության անցած ուղուն, նրա առաջին նախագահ Քեմալ Աթաթուրքի խաղացած դերին: Դեսպանը նաև նշել է թուրք-ադրբեջանական հարաբերությունների ամրապնդման գործում Ադրբեջանի համազգային առաջնորդ Հեյդար Ալիևի ունեցած ներդրման մասին: «Այսօր Թուրքիան և Ադրբեջանը հասել են ամուր դաշինքի, և մեր երկրները դեռ վստահ առաջ են շարժվելու` տնտեսության զարգացման հետ մեկտեղ: Նախագահ Իլհամ Ալիևի իրականացրած հաջող քաղաքականության շնորհիվ Ադրբեջանը կարողացել է տարածաշրջանում առաջատար դառնալ»,-ասել է Ջոշքունը:
Թուրք դեսպանն անդրադարձել է նաև Լեռնային Ղարաբաղի հակամարտության հարցին՝ կրկնելով այն տարածված տեսակետը, թե «հայերը պետք է դուրս գան օկուպացրած ադրբեջանական հողերից»: «Այս հարցը հանդիսանում է ոչ միայն Ադրբեջանի, այլ ողջ թյուրքական աշխարհի խնդիրը և Թուրքիան միշտ կանգնած է լինելու եղբայրական Ադրբեջանի կողքին»,-ընդգծել է Իսմայիլ Ալպեր Ջոշքունը:
Leave a Reply