Թուրքիայի Տրապիզոն քաղաքի վարչականը դատարանը Տրապիզոնի Այա ՍոՖյա թանգարանի վերաբերյալ վճիռ է կայացրել: Ըստ դատարանի կայացրած վճռի՝ որոշվել է մերժել թանգարանը մզիկթի վերածելու հայցը: Դատարանը որոշման մեջ նշում է, որ նման վճիռ ընդունվել է` թանգարանը մզկիթի վերածելու համար համապատսխան հիմքեր չգտնելու հիմքով:
Թուրքական «Զաման» օրաթերթն անդրադարձել է Այա Սոֆյայի՝ մզկիթի վերածելու դատական գործին: Նշվում է, որ 1461 թ. սուլթան Մեհմեդի (Մեհմեդ Ֆաթիհ-Ակունքի խմբ.) կողմից այն նվաճելուց հետո ծառայել է որպես մզկիթ, իսկ 1961 թ. վերանորոգումից հետո վերածվել է թանգարանի: Այնուհետև առաջին անգամ 2012 թ. հունիսի 28-ին Այա Սոֆյայում նամազ է արվել: Աղբյուրը նշում է, որ մինչ այդ «Սուլթան Մեհմեդ» հիմնադրամին պատկանող Այա Սոֆյա թանգարանը 2012 թ. հանձնվել է Թուրքիայի հիմնադրամների վարչությանը: Այդուհետ թանգարանը դասվել է կրոնական շինությունների շարքին և ծառայել է որպես մզկիթ:
Թանգարանի՝ մզկիթի վերածումը չթույլատրելու նպատակով՝ Տրապիզոնի ճարտարապետների միությունը, Տրապիզոնի մշակութային ֆոնդերի պահպանության տարածքային վարչությունը, «Տրապիզոնի արվեստների տուն» միությունը և այլ կազմակերպություններ 2013 թ. հունիսի 25-ին դիմել էին Տրապիզոնի մշակութային հարստությունների պահպանության տարածքային վարչություն: Ինչպես նշվեց, դատարանի կողմից կայացրած վճռի համաձայն, շինությունն արգելվում է օգտագործել որպես մզկիթ:
Leave a Reply