Թուրքերն ամենաշատը վախենում են անկախ քրդական պետության ստեղծումից

Տնտեսության և արտաքին հարաբերությունների հետազոտության թուրքական կենտրոնը (EDAM) սեպտեմբերի 12-ից հոկտեմբերի 9-ը հանրային կարծիքի ուսումնասիրություն է իրականացրել Թուրքիայում: Հարցման 1500 մասնակիցները պատասխանել են այն հարցին, թե որն է Թուրքիային սպառնացող ամենամեծ վտանգը:

Այսպես՝ հարցվածների 36%-ը պատասխանել է, որ վախենում է Թուրքիայի հարավ-արևելքում անկախ քրդական պետության ստեղծումից:

16%-ն էլ պատասխանել է, որ Թուրքիայի ամենամեծ սպառնալիքը կարող լինել Իսրայելի կամ ԱՄՆ-ի կողմից Իրանի վրա հարձակումը՝ պայմանավորված Իրանի միջուկային խնդրով:

Հարցվածների 11%-ն ասել է, որ Թուրքիայի համար ամենամեծ սպառնալիքը կարող է լինել Սիրիայում ծայրահեղ իսլամիստների գերիշխանության հաստատումը: 10%-ի կարծիքով՝ Թուրքիային սպառնացող ամենամեծ վտանգն այն է, որ Իրանը միջուկային զենք կունենա:

Հարցվածների մոտ 25%-ը որևէ պատասխան չի տվել: 

http://civilnet.am/2013/10/28/turks-fears-poll