Թուրքիայի սևծովյան Օրդու նահանգի Գյոլքյոյ շրջանում անհայտ անձինք հարձակում են գործել Մուսթաֆա Քեմալ Աթաթուրքի կիսանդրու և թուրք զինվորների արձանների վրա, փոխանցում է թուրքական «Ռադիքալ» պարբերականը։
Աթաթուրքի գիպսե կիսանդրին և զինվորների պղնձաձույլ արձանները տեղադրված էին Գյոլքյոյի կենտրոնական հրապարակում։ Գիշերային ժամերին անհայտ անձը կամ անձինք կոտրել են կիսանդրին, ապա ծանր առարկայով հարվածներ հասցրել թուրք զինվորների արձաններին։
Միևնույն ժամանակ վնասել են Աթաթուրքի խոսքերով պաստառը, որը նույնպես եղել է հրապարակում։
Դեպքի առնչությամբ հետաքննություն է սկսվել։ Թուրքական օրենքներով Աթաթուրքին վիրավորանք հասցնելը քրեորեն պատժելի արարք է։
allTurkey.am
Leave a Reply