Մեր խմբագրապետը Ռ. Հատտէճեան, 27 Հոկտեմբերին որպէս Մարմարայի Խմբագրապետ լրացուց իր ծառայութեան 46ամեակը եւ ոտք դրաւ 47րդ. աշխատանքի շրջանի սեմէն ներս։
Ռ. Հատտէճեան Մարմարայի ղեկը ստանձնեց 27 Հոկտեմբեր 1967ին եւ այդ օրէն սկսեալ թէ որպէս սրատես եւ բանիմաց լրագրող, անմրցելի բեմբասաց, եւ թէ մանաւանդ որպէս բազմարդիւն եւ ներհուն գրագէտ, իր առաջնորդող յօդուածներով, հաւասարակշռեալ լրատուութեամբ, հիւթեղ եւ առինքնող գրականութեամբ, առաջատարը եղաւ լրագրական եւ գրական զարթօնքի մը, անհատուցանելի ծառայութիւն մատուցանելով մեր ազգային, համայնքային եւ մշակութային կեանքին, նաեւ հանդիսանալով աշխարհի մէջ հայ լրագրական ասպարէզէ ներս ամէնէն երկարատեւ շրջանով ծառայող խմբագրապետը։
Այս խիստ ուրախալի տարեդարձի առիթով, ջերմօրէն կը շնորհաւորենք մեր խմբագրապետը եւ կը մաղթենք իրեն առողջութիւն եւ նորանոր աշխատանքի արեւոտ օրեր։
ԱԿՈՒՆՔ-ի խմբագրութիւնը ի սրտէ միանում է այս շնորհաւորանքներին:
Leave a Reply