Թուրքիայի վարչապետ Ռեջեփ Թայիփ Էրդողանը Վանում հանդես է եկել ելույթով՝ Վանա լճին ասելով Վանա ծով։
Թուրքական Radikal-ի փոխանցմամբ՝ Թուրքիայի վարչապետ Ռեջեփ Թայիփ Էրդողանը Վանում ելույթի ժամանակ ասել է, թե Վանը ծով ունեցող նահանգներից է, որտեղ ժողովրդի մեծ մասը հաց է վաստակում ծովից։ «Թեկուզ քարտեզներում այն լիճ է կոչվում, սակայն մենք ձեր պես այն ծով ենք ասում»,-ասել է Էրդողանը՝ նշելով, թե Վանա լճում բեռնափոխադրումների համար իրենք լճի ափին 50 վագոն տարողությամբ լաստանավ են կառուցում։
Նշենք, որ 2 տարի առաջ Թուրքիայի գլխավոր ընդդիմադիր Ժողովրդահանրապետական կուսակցության առաջնորդ Քեմալ Քըլըչդարօղլուն նույնպես Վանա ծով էր ասել եւ ենթարկվել Էրդողանի քննադատությանը, թե իբր նա չգիտի, որ Վանը լիճ է։ Քըլըչդարօղլուն պատասխանել էր Էրդողանին՝ ասելով. «Վանեցիները Վանա լճին Վանա ծով են ասում։ Եթե դու տեղյակ չես, ես ի՞նչ անեմ»։
Leave a Reply