Իսրայելական լոբբին նախազգուշացնում է Թուրքիային՝ քանի դեռ չեք կարգավորել հարաբերությունները, Հայոց ցեղասպանության հարցում չենք աջակցելու

Անկարան պետք է ակտիվացնի ջանքերը Իսրայելի հետ հարաբերությունների կարգավորման ուղղությամբ մինչեւ 2015թ.-ը ՝ Հայոց ցեղասպանության 100-ամյակը, քանի որ իսրայելական լոբբին ամբողջ աշխարհում էապես մեղմացրել է այդ հարցում Թուրքիային ցուցաբերվող աջակցությունը: Այս մասին հայտարարել է Իսրայելում թուրքական հրեաների միավորման նախագահ Զալի դե Տոլեդոն:Նրա խոսքով՝ Թուրքիան պետք է հաշվի առնի իր շահերն ու կարգավորի հարաբերությունները և Թել-Ավիվում որքան հնարավոր է շուտ դեսպան նշանակի:

«Եթե երկու երկրները բաց թողեն իրենց կապերը կարգավորելու շանսը, իսրայելական լոբբին, ամենայն հավանականությամբ, 2015թ. չեզոք դիրք կգրավի»,- հայտարարել է նա «Today’s Zaman»-ի հետ զրույցում: Զալի Դե Տոլեդոն խոստովանել է, որ ամեն հնարավոր բան արել է ԱՄՆ-ում իսրայելական լոբբիի վրա ազդելու համար` ձեռնպահ մնալ Օսմանյան կայսրությունում հայերի զանգվածային սպանությունները ցեղասպանութուն որակելուց: «Ես Թուրքիայի դիրքորոշման կողմնակից էի»,- նշել է նա՝ ընդգծելով, որ հիասթափված է թուրք-իսրայելական հարաբերությունների ներկա վիճակից:

«Today’s Zaman»-ը հիշեցնում է, որ թեեւ Իսրայելը երկար տարիներ շարունակ հրաժարվում է մեկնաբանել ցեղասպանության հարցը՝ Թուրքիային բարկացնելու վախից,  անցյալ տարի Իսրայելի խորհրդարանում Օսմանյան կայսրությունում զանգվածային սպանությունների շուրջ քննարկումներ են տեղի ունեցել:

http://news.am/arm/news/177599.html