Անգարայի «Հայտար Ալիեւ» այգին աղբավայրի վերածուած է

ՊՈԼԻՍ.- Թրքական «Հիւրրիյէթ» թերթը կը հաղորդէ, որ Հայտար Ալիեւի անուան այգին, որ եօթը տարի առաջ Անգարայի մէջ հիմնուած էր, վերածուած է աղբանոցի:
Այգին, որուն մէջ կայ մօտաւորապէս 81,000 ծառ, անխնամ մնացած է եւ վերածուած աղբավայրի: Տեղւոյն բնակիչները բողոքած են, որ նախ այգին ընտանիքներու համար հանգստանալու յարմար վայր մըն էր, սակայն աստիճանաբար իշխանութիւնները սկսած են այգին չխնամելու, եւ իբրեւ հետեւանք՝ անիկա վերածուած է աղբանոցի: Նաեւ, գիշերները հոն սկսած են հաւաքուելու գինովներ եւ թմրամոլներ, հրդեհներու պատճառ դառնալով:
Քաղաքապետարանի աշխատակիցները յայտնած են, որ, ըստ փաստաթուղթերու՝ նման այգի մը «առհասարակ գոյութիւն իսկ չունի», եւ իրենք ոչինչ կրնան ընել կացութիւնը բարելաւելու համար:

http://asbarez.com/arm/175880/