Թուրքիայում Գեզի կուսակցություն է ստեղծվել

Ստամբուլի Գեզի պուրակի դիմադրությունից հետո խոսակցությունները, թե պետք է այն շարժման վերածվի, նոր հանգրվանի է հասել։

Ինչպես տեղեկացնում է Internet Haber կայքը, համացանցում տարածված տեղեկությունները, թե Գեզի կուսակցություն է ստեղծվելու, իրականություն են դարձել։

Թուրքիայում Գեզի անվամբ կուսակցությունն արդեն գրանցվել է։

Կուսակցության անդամների թվի մասին դեռևս տեղեկություն չկա։ Իսկ կուսակցության տարբերանշանը ծառի պես արմատ գցած մարդու պատկերն է:
Կուսակցության նպատակն ուժեղ քաղաքացիական հասարակությունից բխող ժողովրդական Սահմանադրության ստեղծումն է։

Գեզի կուսակցության ղեկավարն ընտրվում է առավելագույնը 3 տարի ժամկետով, սակայն նույն մարդը վերընտրվելու հնարավորություն է ունենալու։ 

Հիշեցնենք, որ մայիսի վերջին Գեզի պուրակում ցույցեր էին սկսվել այգու ծառահատումների և դրա տեղում առևտրի կենտրոն կառուցելու որոշման դեմ, որոնք վերաճել էին հակակառավարական ցույցերի։

http://www.tert.am/am/news/2013/10/23/gezi-party/