Թուրքիայի ազգային հետախուզության ծառայության (MIT) բյուջեն ավելացել է 2 անգամ

Թուրքիայի ազգային հետախուզության ծառայությանը հատկացվող գումարն աչքի է ընկնում տարեց տարի խիստ աճով՝ 2014-ին կազմելով 1 մլրդ 58 մլն լիրա (550 մլն դոլար)։

Թուրքական Internethaber կայքի փոխանցմամբ՝ Թուրքիայի ազգային հետախուզության ծառայության ներկայիս ղեկավար Հաքան Ֆիդանի պաշտոնավարման առաջին տարում՝ 2010-ին, MIT-ի բյուջեն կազմում էր 523 մլն լիրա, ինչը 2011-ին կազմեց 665 մլն, 2012-ին՝ 751 մլն, 2013-ին՝ 995 մլն եւ 2014-ին՝ 1 մլրդ 58 մլն լիրա։

Նշվում է, որ MIT-ի ծախսերի նման աճը պայմանավորված է տեխնոլոգիական զարգացումների հետ, քանի որ այժմ աշխարհում հետախուզությունը մարդու միջոցով հետախուզելու փոխարեն տեղը զիջում է տեխնոլոգիական հետախոզությանը, իսկ կիբերհետախուզությանը թանկ տեխնոլոգիաներ անհրաժեշտ։

Բացի այդ, նախատեսվում է, որ MIT-ի եւ Զինված ուժերի համատեղ օգտագործման համար ձեռք է բերվելու հետախուզական նավ, որը տվյալներ կհավաքի թե ծովում, թե ցամաքում։  Հիշյալ նավից ունեն ընդամենը 4 երկիր՝ ԱՄՆ-ը, Ռուսաստանը, Գերմանիան եւ Իսրայելը։ 

http://news.am/arm/news/177026.html