ՀՀ սփյուռքի նախարարության աջակցությամբ, «Կոմիտաս Վարդապետ» փառատոնի շրջանակներում, հոկտեմբերի 18-ին Հայաստանի ամերիկյան համալսարանի դահլիճում տեղի է ունեցել Ստամբուլի Սահակյան Դպրաց դաս երգչախմբի երեւանյան առաջին համերգը` Սեւան Ակօշեանի ղեկավարությամբ:
Սփյուռքի նախարարության մամուլի ծառայությունից հայտնում են, թե համերգի ընթացքում հնչեցին Կոմիտասի, Մակար Եկմալյանի, Արմեն Տիգրանյանի, Խաչատուր Ավետիսյանի եւ այլոց ստեղծագործությունները:
Վերջում ողջույնի խոսքով հանդես է եկել Սփյուռքի նախարարության աշխատակազմի ղեկավար Ֆիրդուս Զաքարյանը եւ սահակյանցիներին հանձնել «Կոմիտաս Վարդապետ» փառատոնի մասնակցության հավաստագիրը:
Երգչախումը տոնում է իր 310-ամյակը: Պոլսո Սուրբ Գեւորգ եկեղեցու Սահակյան Դպրաց դասի մանկական երգչախումբում երգում են 80 մանուկներ, իսկ ավագների խմբում 70 երիտասարդ պոլսահայեր, որոնք հայ համայնքի մշակութային կյանքում կարեւոր դերակատարությւոն ունեն: Սահակյանցիները մասնակցում են նաեւ միջեկեղեցական եւ միջազգային մրցույթների` բարձր պահելով պոլսահայ համայնքի պատիվը:
Leave a Reply