Թուրիքայում վերջերս հրապարակված «Ժողովրդավարացման փաթեթում» տեղ գտած փոփոխությունների համաձայն` կուսակցությունների և քաղաքական գործիչները, այսուհետ բացի թուրքերենից, այլ լեզուներով նույնպես կարող են քարոզարշավ իրականացնել:
Ըստ թուրքական «Սոնդաքիքա» լրատվական կայքի` եթե նախկինում նախընտրական քարոզարշավի ընթացքում քաղաքական գործիչները քաղաքից քաղաք, գյուղից գյուղ շրջելով` քարոզարշավը իրականացնում էին միայն թուրքերենով, ապա ներկայում իրավունք ունեն իրենց ելույթները հնչեցնել նաև այլ լեզուներով: Եվ այսպես Բիլեջիքում, Էսքիշեհիրում, Սամսունում, Ամասիայում, Թոքաթում և Դյուզեջեյում քաղաքական գործիչները իրենց ելույթներում կարող են օգտագործել աբխազերեն, Մարդինում, Սիիրթում` արաբերեն, Ստամբուլում, Հաթայում, Դիարբեքերում և Կարսում` հայերեն:
Leave a Reply