Փարիզի արվարձանում Հայոց ցեղասպանության հիշատակի թանգարան կկառուցվի

Ֆրանսիական «Սեւր 2015» ասոցիացիան ճարտարապետական մրցույթ է հայտարարում Հայոց ցեղասպանության հիշատակի թանգարանի կառուցման համար:

Ֆրանսիական «Սեւր 2015» ասոցիացիան Ֆրանսիայի հայ համայնքի նախաձեռնությունն է, որը  նախատեսում է Հայոց ցեղասպանության հիշատակի թանգարան կառուցել Փարիզի արվարձանում՝ Սեւր քաղաքում, հայ Մխիթարյանականների քոլեջի տարածքում:

Սա ամբողջ Եվրոպայի կտրվածքով իր բնույթով եզակի եւ մեծամասշտաբ ծրագիր է, քանի որ թանգարանը կընդգրկվի ապագա Հայկական ժառանգության կենտրոնում, որը 14.000 քմ մակերես կզբաղեցնի: Բացումը նվիրված կլինի Հայոց ցեղասպանության 100-ամյակին:

Առաջին եւ երկրորդ տեղերը զբաղեցրած մասնակիցները համապատասխանաբար 3000 եւ 2000 եվրո պարգեւ կստանան:

Տեղեկությունները մանրամասն շարադրված են կազմակերպության կայքում: Երեւանում լրացուցիչ տեղեկությունների համար զանգահարել 055 41 42 87:

http://news.am/arm/news/176003.html