Թուրքիայում կոշկակարության արհեստում օգտագործվող գործիքների անվանումները հայերեն և հունարեն են

Իզմիրում կազմակերպվել է կոշկակարության պատմությանը նվիրված թանգարանային ցուցահանդես: Թուրքական «Հաբերլեր» լրատվական կայքը միջոցառման մասին մանրամասներ է հայտնել: Նշվում է, որ Թուրքիայում կոշկակարության ոլորտում հարուստ հետք են թողել նաև հայերը և հույները:

Իզմիրի կոշկակարների միության նախագահ Թահսին Գյուզելը մասնավորապես նշել է. «Այս ոլորտում օգտագործվող բառերը մեծ մասամբ հայերեն և հունարեն են: Կոշկարության ոլորտում մեր առաջին վարպետները հայերը և հույներն են եղել: Սա մեզ նրանցից է ժառանգություն մնացել, և մենք այն զարգացրել ենք: Հայերից և հույներից մեզ հասած դրոշակը մեր շինության տանիքում է ծածանվում: Լուրջ ներուժ ունենք: Ներկայում կոշիկի արտադրության ոլորտում աշխարհում Թուրքիան 6-րդ տեղում է»: 

http://ermenihaber.am/?lang_id=2&news_=5&cur_news=340