«Միջազգային աշխատանքայի խումբ» նախաձեռնությունը պահանջում է ազատ արձակել Ռագըփ Զարաքօլուի որդուն

Գիտական ազատությունները պաշտպանելու և ձերբակալված գիտնականներին համերաշխություն հայտնելու նպատակով հիմնված «Միջազգային աշխատանքային խումբ» նախաձեռնությունը (Groupe de Travail International/GIT), որի կենտրոնակայանը գտնվում է Փարիզում, պահանջել է ազատ արձակել Ռագըփ Զարաքօլուի որդուն` Դենիզ Զարաքօլուին, որի դատը հետաձգվել է մինչև նոյեմբերի 7-ը:

Այդ մասին հաղորդում է` իր սկանդալային հրապարակումներով հայտնի թուրքական «Թարաֆ» օրաթերթի հայազգի լրագրող Հրանտ Գասպարյանը:

Աղբյուրի համաձայն` «Միջազգային աշխատանքայի խումբ» նախաձեռնությունը, ուշադրություն հրավիրելով այն փաստի վրա, որ թեև «Բելգե» հրատարակչատան հիմնադիր Ռագըփ Զարաքօլուն և «Մարմարա» համալսարանի քաղաքագիտության պրոֆեսոր Բյուշրա Էրսանլըն ազատ են արձակվել, սակայն նրանց դատավարությունը դեռ ընթացքի մեջ է, հետևյալն է նշել իր հրապարակած հայտարարության մեջ.

«Միջազգային աշխատանքայի խումբը մտահոգ է օրինական քաղաքական կուսակցություն հանդիսացող Խաղաղություն և ժողովրդավարություն կուսակցության մշակութային միջոցառումների շրջանակներում Արիստոտելից սկսած` քաղաքական փիլիսոփայության վերաբերյալ զեկուցումներ ունենալու պատճառով 2011 թ. հոկտեմբերի 4-ից ի վեր բանտում գտնվող` Ռագըփ Զարաքօլուի որդու` Դենիզ Զարաքօլուի ճակատագրի նկատմամբ: Դա նմանապես վերաբերվում է «Բելգե» հրատարաչկատան աշխատակից Ա. Դուրսուն Յըլդըզին և թարգմանիչ Այշե Բերքթային: Այն փաստը, որ պետությունը և քաղաքական ուժերը ձգտում են ահաբեկել մտավորականներին, լույս է սփռում նաև քաղաքական գործընթացների շրջանակներում կալանավորված ուսանողների և լրագրողների վիճակի վրա: Քանզի վերջինները ևս ընտրել են Թուրքիայում խոսքի, գիտական ուսումնասիրության և կրթության ազատությունները պաշտպանելու ուղին»:

Akunq.net