Վանի հայկական Սուրբ Բարդուղիմեոս եկեղեցին զբոսաշրջիկների ուշադրության կենտրոնում է

Վանի Բաշքալեի շրջանում գտնվող եւ 1915-ից հետո լքված հայկական Սուրբ Բարդուղիմեոս եկեղեցին զինվորականների հեռանալուց հետո հայտնվել է Վան այցելող զբոսաշրջիկների ուշադրության կենտրոնում։

Թուրքական Paros.com կայքի փոխանցմամբ՝ Վանի Բաշքալեի շրջանի Ալբայրաք գյուղում գտնվող հայկական Սուրբ Բարդուղիմեոս եկեղեցին գրավում է շրջան այցելող օտարեկրյա զբոսաշրջիկներին։

Քանի որ, երկար տարիներ եկեղեցին եղել է զորամասի տարածքում, եւ գյուղ զբոսաշրջիկներ չեն այցելել, այժմ գյուղացիները մեծ ոգեւորությամբ են դիմավորում եկեղեցի այցելած բոլոր զբոսաշրջիկներին։

Նշվում է, որ զբոսաշրջիկներն այցելում են նաեւ հարեւանությամբ գտնվող Յանալ գյուղի Սուրբ Խաչ եկեղեցին։

Ավելի վաղ, Թուրքիայի Մշակույթի եւ տուրիզմի Վանի նահանգային վարչության պետ Մուզաֆեր Աքթուղ նշել էր, թե 3-րդ դարում կառուցված եկեղեցին բացվել է այցելությունների համար, սակայն երկար տարիներ անխնամ թողնված եկեղեցին կարիք ունի վերանորոգման։ Նա շեշտել էր, թե համապատասխան աշխատանքներ են ընթանում վերականգնման համար ։

http://news.am/arm/news/175592.html