Թուրքիայի հունիսյան ցույցերի խորհրդանիշներից մեկը՝ ստամբուլյան «Դիվան» հյուրանոցը, միջազգային հեղինակավոր մրցանակի է արժանացել՝ «Հյուրասիրության և նորարարության համար»։
Հյուրանոցի ղեկավարությանն այդ մրցանակը կշնորհվի հոկտեմբերի 9-ին, Մյունխենում, PKF hotelexperts միջազգային խորհրդատվական և աուդիտորական կազմակերպության կողմից, հայտնում է ИТАР-ТАСС-ը։
Ոստիկանության և ընդդիմադիրների միջև խոշոր բախումների ժամանակ հյուրանոցն աչքի էր ընկել նրանով, որ չէր փակել իր դռները ցուցարարների առաջ, ինչպես դա արել են շատ այլ հյուրանոցներ։
«Դիվան» հյուրանոցը գտնվում է անմիջապես Գեզի այգու հարևանությամբ։ Հյուրանոցի նախասրահը դարձել է դաշտային հոսպիտալ, որտեղ հանգստացել կամ թաքնվել են ցուցարարները։ Նրանց կերակրել են, թույլ տվել օգտվել զուգարաններից և մի քանի համարներ հատկացրել։ Հենց այդ համարձակ քայլի համար էլ հյուրանոցը պարգևատրվել է։
Ալի Քոչը՝ «Քոչ» կորպորացիայի սեփականատերը, ում պատկանում է հյուրանոցների ցանց Թուրքիայում և արտերկրում, հունիսյան անկարգությունների ժամանակ հայտնել էր, որ կհեռացնի իր հյուրանոցների անձնակազմին, եթե աշխատակիցները համարձակվեն փակել դռները ցուցարարների առաջ։
Leave a Reply