Դիարբեքիրում բացվել է հայկական և թուրքական գյուղերի լուսանկարների ցուցահանդես

Թուրք լուսանկարիչ Ալի Սալթանը Դիարբեքիրի «Amed Sanat» պատկերասրահում կազմակերպել է «Գետի մյուս ափը» խորագրով ցուցահանդես, որտեղ ներկայացված են թուրքական Հալըքըշլաք և հայկական Բագարան սահմանամերձ հարևան գյուղերի լուսանկարները: Ցուցահանդեսը տևելու է մինչև հոկտեմբերի 25-ը: Այս մասին հայտնում է Ermenihaber.am լրատվական կայքը:

Նախագիծն ունի «Թուրքիայի և Հայաստանի ժողովուրդների, պատմության և մշակույթի բաժանարար գիծը» խորագիրը, որն իրականացվում է Թուրքիայում Շվեյցարիայի դեսպանատան աջակցությամբ:
Երկու տարվա աշխատանքների արդյունքում արդեն արվել է 30 դիմանկար և 46 լուսանկար:

Սալթանն իր լուսանկարներում փորձել է արտացոլել սահմանամերձ գյուղերում ապրողների կյանքն ու կենցաղը, ֆիզիկապես ու մշակութապես այդքան մոտ լինելը, բայց և իրար այդքան հեռու պահելը:

Մանրամասները` այստեղ

http://shamshyan.com/arm/2013-10-09-diarbekir-exhibition.html