Թուրքական մամուլ. Թուրքիան գաղտնի վաճառում է Հայաստանին սահմանամերձ տարածքները

Թուրքիայի կառավարությունը գյուղատնտեսական նպատակներով օգտագործվելու համար 30 տարով վարձակալության է հանել Հայաստանի, Իրանի, Նախիջևանի և Թուրքիայի միջև ընկած ռազմական արգելված շրջանը:

Այդ մասին ահազանգում են թուրքական լրատվամիջոցները: Մասնավորապես թուրքական «Յուրթ» պարբերականը հաղորդում է, որ Թուրքիայի գյուղատնտեսության նախարարությանը ենթակա Գյուղատնտեսական գործարկումների գլխավոր տնօրինության հրապարակած հայտարարության մեջ նշվում է, թե տվյալ տարածքը վարձակալող մասնավոր սեկտորի բաժինը պետք է կազմի առնվազն 65 տոկոս, իսկ վերոնշյալ տնօրինությանը` 15-25: Հայտարարության համաձայն` դիմումների համար վերջնաժամկետ է նշանակված մինչև սույն թվականի դեկտեմբերի 6-ը` ժամը 17:00-ն (Թուրքիայի ժամանակով): Տվյալ շրջանը գտնվում է Իգդիր նահանգի Արալըք գավառին ենթակա Դիլօվասը (Դիլուջու) շրջանում: Ըստ աղբյուրի` սույն շրջանը երկար տարիներ գտնվել է հատկապես ԱՄՆ-ում բնակվող հայերի հետաքրքրության շրջանակներում, իսկ անցյալում որոշ ամերիկյան ընկերությունններ հայտնել են, թե շրջանի` գյուղատնտեսական նպատակներով բացվելու դեպքում պատրաստ են ներդրումներ անել այնտեղ:

Akunq.net