Բազում համշենահայեր վարում են Թուրքիա-Երեւան ուղերթի ավտոբուսներ

Չնայած թուրքական անուն–ազգանուններին, նրանք իրենց հայ են զգում:

Բագրատաշենի մաքսակետի աշխատակիցներից մեկն «Առավոտի» թղթակցին ասաց, որ շատ է զարմացել, երբ ինքը թուրքերենով դիմել է Թուրքիայից Երեւան ավտոբուսային երթուղու թուրք վարորդին, ապա վերջինս հայերեն ասել է. «Հայերե’ն խոսիր»: Պարզվել է, որ թուրքական անուն-ազգանունով վարորդն իրականում համշենահայ է: Այս երթուղում բազմաթիվ վարորդներ հայեր են` Համշենի Խոպա քաղաքից: Համշենցի վարորդն ասել է, որ ինքն իր մեջ զգում է հայկական արյուն, սակայն իր երեխաները թուրքական դպրոց են գնում, կորցնում հայկական էությունը:

Հավելենք, որ շուրջ մեկ տարի հիշյալ երթուղու ավտոբուսները հայ-վրացական սահմանը հատում են ոչ թե Բագրատաշենի, այլ` Բավրայի անցակետով, քանի որ այդպես ավելի հարմար է:

Ոսկան ՍԱՐԳՍՅԱՆ
http://www.aravot.am/2013/10/04/392838/