Սասունցի հայը՝ 100 տարի անց իր պապական տանը

Շվեդիայում բնակվող Լիլյա Մանուկը՝ ամուսնու Նաիրի Մանուկի և ծնունդով սասունցի Բեսսե Քաբաքի հետ, ով նաև «Ակոս»-ի սյունակագիրներից է, Սասունում գտնվող իր պապական Դաղչաթը գյուղն է այցելել, որտեղից 100 տարի առաջ գաղթել է նրա պապ Լահոն: Լիլյա Մանուկը հարցազրույց է տվել «Անադոլու» լրատվական գործակալության թղթակցին, ում պատմել է, որ ծնվել է Հայաստանում, ապա` տեղափոխվել Շվեդիա: Նա եղել է պապի տանը, բակում, գյուղում գտնվող հինավուրց եկեղեցին է այցելել, մոմ վառել և աղոթել:

Ամուսինները երկու օր են անցկացրել Սասունում, որի ընթացքում եղել են նաև Քալեյոլու գյուղի Բոզըքա ամրոցում և Գոմք եկեղեցում:  Շվեդիա վերադառնալուց առաջ Լիլյա Մանուկը պապի տան բակից հող, ինչպես նաև ընկույզ, քար և մի փունջ ծաղիկ է վերցրել: Ըստ նրա՝ իրենց գյուղն հենց այնպիսին է, ինչպես պատմել է իր Ռեյհան տատը: Սակայն իր պապի տունն անուշադրության հետևանքով փլվել է: 100 տարի առաջ գյուղից գաղթելուց հետո այլևս ոչ ոք իրենց ընտանիքից չի այցելել գյուղ: Տպավորությունները երազային են: Նա նաև նշել է, որ գյուղում իրենց շատ լավ են վերաբերվել, նույնիսկ հյուրընկալվել են այն մարդկանց տանը, ովքեր հետագայում մշակել են իր պապի՝ Լահոյի այգին, դաշտը:

http://ermenihaber.am/?lang_id=2&news_=4&cur_news=1099