Վանում հայերի զանգվածային գերեզմանոցի վրա դպրոց են կառուցել. ոսկորները հողի երես են դուրս եկել

Վանի Գևաշ գավառում (հին հայկական Ոստան գավառը-Ակունքի խմբ.), որտեղ նախկինում հայեր են ապրել, նախակրթարան կառուցելիս պարզվել է, որ նշյալ վայրում զանգվածային գերեզմանոց է եղել: Շինաշխատանքների ժամանակ հողի երես դուրս եկած մարդկային գանգերն ու կմախքոսկրերն, արդեն մեկ տարի է, շարունակում են այդպես մնալ:

Այս մասին ահազանգող թուրքական «Haber fx» լրատվական կայքը, նշում է, որ դպրոց հաճախող աշակերտները, տեսնելով այդ ոսկորները, ենթարկվում են հոգեբանական ծանր ազդեցության: Նրանցից որոշները նույնիսկ արդեն խուսափում են դպրոց գնան: Պատմում են, որ ուսուցիչներից մեկը, տեսնելով այդ ոսկորները, հրաժարվել է դասավանդել այդ դպրոցում և հեռացել է:

Գյուղի բնակիչ Յըլմազ Թուլայը նշել է, որ տվյալ ոսկորները, հավանաբար, Հայոց ցեղասպանությունից առաջ այդ գավառում ապրած հայերի ոսկորներն են:

Ոսկորների մեջ երեխաներին կրթելը սկանդալ համարող Թուլայը նշել է, որ միաստվածային ոչ մի կրոնի հետևորդներ մարդկանց այդպես խմբակային չեն թաղում:

«Այստեղ մասսայական կոտորած է եղել: Գանգոսկրերից երևում է որ տանջահար են արել ու իրար վրա թաղել»,- համոզմունք է հայտնել Յըլմազ Թուլայը:

http://ermenihaber.am/?lang_id=2&news_=4&cur_news=1095