Թուրքիայի վարչապետ Թայիփ Էրդողանը «TRT Haber»-ին տված հարցազրույցում նշել է, որ օրերս երկրում հրապարակված «Ժողովրդավարացման փաթեթը» կարող է օրինակ ծառայել Եվրամիությանը: Վարչապետի խոսքերով՝ Թուրքիայում ազգային փոքրամասնություններին մայրենի լեզվով կրթություն ստանալու հնարավորության ընձեռնումը նոր հեռանկարներ կբացի երկրի կրթական համակարգում:
Ըստ օրերս հրապարակված բարեփոխումների փաթեթի՝ երկրում գործող բոլոր կուսակցությունները կանցնեն կառավարման երկանդամ համակարգի, այսինքն քաղաքական կուսակցությունները ղեկավարվելու են միանգամից երկու առաջնորդի կողմից: Պետության ժողովրդավարացմանն ուղղված քայլերից է նաև ազգային ատելության հողի վրա կատարված հանցագործությունների համար սահմանված պատժի երկարաձգումը երեք տարով, պետական կառույցներում (բացի զինված ուժերից) հիջաբի թույլատրումը և այլն:
Leave a Reply