Թուրքիայի միակ հայկական գյուղի բնակիչները կաջակցեն Էրդողանի ներկայացրած ժողովրդավարացման փաթեթին

Թուրքիայի միակ հայկական գյուղի` Վաքըֆլըի բնակիչները հայտնել են իրենց գոհունակությունը՝ վարչապետ Ռեջեփ Թայիփ Էրդողանի կողմից ներկայացրած բարեփոխումների փաթեթի հետ կապված:

Թուրքական թերթերից մեկը գրում է, որ շուրջ 130 բնակիչ ունեցող հայկական գյուղի բնակիչները հավաքվել են սրճարանում և ուղիղ եթերում հետևել Էրդողանի ներկայացրած ժողովրդավարացման փաթեթի բովանդակությանը: Նրանք գոհունակություն և աջակցություն են հայտնել այդ փաթեթից բխող հետագա քայլերի իրականացմանը: Վաքըֆլըի հայ համայնքի առաջնորդներից մեկը՝ Ջեմ Չափարը, նշել է, որ ողջունելի են հատկապես փաթեթի այն դրույթները, ըստ որոնց, պետք է իջեցվի ընտրություններում անցողիկ լինելու նշաձողը:

Չափարը նաև տեղեկացրել է, որ հարևան գյուղերում գտնվող իրենց պապերի գերեզմանները վերադարձնելու մասին դիմումները թեև մերժվել են, բայց իրենք չեն նահանջի և կհասնեն նրան, որ տեղի իշխանությունները քննեն իրենց դիմումները:

Վաքըֆլըի համայնքապետ Պերճ Քարթունը նույնպես ողջունել է Էրդողանի ներկայացրած փաթեթը, սակայն ընդգծել է, որ փաթեթում սպասում էին ազգային փոքրամասնություններին վերաբերող հարցերի շուրջ ավելի բովանդակային փոփոխություններ:

http://shamshyan.com/arm/2013-10-01-vakifli-armenians.html