Թուրք հայտնի գրող, լրագրող Մուրատ Բելգեն հեռացել է «Բանիմացների հանձնաժողովի» շարքերից

Հունիսի 26-ին Թուրքիայում տեղի կունենա քրդական հարցի լուծման նպատակով ձևավորված «Բանիմացների հանձնաժողովի» վերջին նիստը: Նիստին չի մասնակցելու թուրք գրող, լրագրող Մուրադ Բելգեն, հաղորդում է Ստամբուլում լույս տեսնող հայկական «Ակօս» թերթը` հղում կատարելով «Թարաֆ»-ին:

Բելգեն հրաժարվել է մասնակցել հանձնաժողովի աշխատանքներին: Նման որոշման պատճառ է դարձել Գեզի այգու ցույցերի ժամանակ Թուրքիայի վարչապետ Ռեջեփ Թայիփ Էրդողանի կոշտ դիրքորոշումն ու գործելակերպը:

Բելգեն «Թարաֆ» թերթում գրել է, որ չպետք է ասել` Գեզին այլ է, խաղաղության գործընթացը` այլ, քանի որ հասարակության մեջ ամեն ինչ փոխկապակցված է: Բելգեն գրել է նաև, որ չի մասնակցի հանձնաժողովի եզրափակիչ նիստին և չի հանդիպի վարչապետ Էրդողանի հետ:

http://ankakh.com