Աղթամար եկեղեցու վանքի և մատուռի հատվածներում նոր վերականգնումներ են մեկնարկել

Վանա լճում գտնվող Աղթամար կղզու Սուրբ Խաչ եկեղեցու վանքի և մատուռի հատվածներում նոր վերականգնումներ են սկսվել:

Այդ մասին փոխանցում է Akunq.net-ը` վկայակոչելով «Անադոլու» լրատվական գործակալությանը, ըստ որի` շուրջ 5 հազար քմ տարածքում իրականացվող վերականգնողական աշխատանքները կավարտվեն 6 ամսվա մեջ: Աշխատանքները կատարվում են 50 հոգանոց մի խմբի կողմից: 1 միլիոն 200 հազար լիրա արժեցող սույն վերականգման շնորհիվ կկանգնեցվեն եկեղեցու հարավային մասի պարիսպները, մատուռը և վանական հատվածը:

Աղբյուրը նաև հաղորդում է, որ բացի Աղթամարից, վերականգնողական աշխատանքների երկրորդ փուլ է մեկնարկել նաև Վանի ամրոցում:

Akunq.net