Մինչ «Գեզի» այգու դիմակայությունը ճնշելու համար Թուրքիայի արեւելյան քրդաբնակ նահանգներից ոստիկաններին տեղափոխում են այլ նահանգներ, PKK-ի հետ սերտ կապեր ունեցող «Հայրենասերների հեղափոխական երիտասարդական շարժումը» (YDG-H) ստեղծել է անվտանգության միավորներ, որի մասին հայտարարվել է մեծ միջոցառումով։

Թուրքական OdaTV կայքի փոխանցմամբ՝ YDG-H-ն Թուրքիայի հարավ-արեւելյան Շրնաք նահանի Ջիզրեի շրջանում քրդական YDG-H-ն մեծ հանդիսությամբ նշել է անվտանգության միավորնեի ստեղծումը։ Աչքի է ընկել այն հանգամանքը, որ հանդիսության մի մասնա անցել է զինվորական արարողակարգի համաձայն։

Ավելի ուշ երիտասարդներից ստեղծված YDG-H-ի անվտանգության ուժերը Նուսայբինի (Մծբին) եւ Իդիլի փողոցներում անձնագրային ստուգումներ են իրականացրել։

Ոստիկանության ուժերը շատ ժամանակ չանցած սկսել են միջամտել եւ ջրցան մեքենաներով ու արցունքաբեր գազով ցրել են YDG-H-ի երիտասարդներին։

Չնայած դրան` երիտասարդները երեկոյան կրկին փողոց են դուրս եկել PKK-ի առաջնորդի լուսանկարներով եւ կրկին անձնագրային ստուգումներ իրականացրել։

http://news.am/arm/news/159556.html