Թուրքիայում ԱՄՆ դեսպանն Աղթամարում խոսել է հայ-թուրքական հարաբերություններից

Թուրքիայի եւ Հայաստանի միջեւ հարաբերությունների կարգավորման գործընթացն առաջ է գնում։ Այս մասին հայտարարել է Թուրքիայում ԱՄՆ դեսպան Ֆրենսիս Ռիկարդոնեն, ով տիկնոջ հետ այցելել է Վանի Աղթամար կղզի եւ հիացել հայկական Սուրբ Խաչ եկեղեցիով։

Թուրքական CNNturk-ի փոխանցմամբ՝ Ֆրենսիս Ռիկարդոնեն այցից հետո լրագրողների հետ զրույցում իր տպավորություններն է ներկայացրել՝ շեշտելով, որ Աղթամարը վերականգնումից հետո ավելի գեղեցիկ է դարձել, քան 33 տարի առաջ, երբ ինքն առաջին անգամ այցելել էր կղզի:

Դեսպանը նշել է, թե ինքը Բոստոնից է եւ շատ է զարմացել, երբ Աղթամարում Բոստոնից ժամանած զբոսաշրջիկների է հանդիպել։ «Նախորդ տարվա համեմատ 4 անգամ ավելի շատ զբոսաշրջիկ է այցելել Աղթամար։ Վանի պատմությունը՝ բնության եւ կրոնական տեսանկյունից, տուրիզմի համար կարեւոր տեղ է զբաղեցնում։ Միեւնույն ժամանակ այն շատ կարեւոր է հայերի եւ ամերիկացիների համար։ Ովքեր ուզում են գալ Վան, թող առանց վարանելու գան»,-ասել է դեսպանը։

http://news.am/arm/news/159525.html