Թուրքիայում հակակառավարական ցույցերի նոր ալիք է, արձանագրում է «Ամերիկայի ձայնի» ռուսական ծառայությունը՝ երևույթն անվանելով «մեխակների հեղափոխություն»:
Ըստ աղբյուրի՝ շաբաթ լույս կիրակի գիշերը Թուրքիայի 81 շրջաններում միաժամանակ փողոց է դուրս եկել 3 մլն մարդ:
Միաժամանակ բողոքի ցույցեր են տեղի ունեցել Մերսինում, Անկարայում, Ադանայում, Ստամբուլում, Իզմիրում, Դիարբեքիրում, Էրզինջանում (Երզնկա-Ակունքի խմբ.) և այլուր:
Կոնկրետ Ստամբուլի Թաքսիմ հրապարակում, որտեղ շաբաթներ առաջ սկսվել էր բողոքը մի քանի հազար մարդ է հավաքվել` չնայած իշխանությունների հարուցած խոչընդոտներին:
Ի դեպ, ըստ ընդդիմադիր թուրքական մամուլի, մարդիկ հավաքվել են հիմնականում զբոսայգիներում, շատերը կրել են մեխակ, որը ժամանակակից Թուրքիայի հիմնադրի՝ Աթաթուրքի սիրելի ծաղիկն է եղել:
Մեխակներով՝ զբոսայգիներում. նախորդ գիշեր Թուրքիայի 81 շրջաններում փողոց է դուրս եկել 3 մլն մարդ
•
Leave a Reply