Ադրբեջանական սփյուռքի հարցերով զբաղվող պետական կոմիտեի նախագահ Նազիմ Իբրահիմովը հայտարարել է, որ Ադրբեջանը, Ղազախստանը և Ղըրղըզստանը միավորվելու և կանգնելու են Թուրքիայի կողքին` հայկական սփյուռքի դեմ պայքարելու համար: «Մեկ ազգը չի կարող երկու խնդիր ունենալ. մեր խնդիրները նույնն են: Հայկական պնդումների հետ կապված խնդիրները, որոնց առջև կանգնել է Թուրքիան, միևնույն ժամանակ մեր խնդիրներն են: Ղարաբաղյան հարցում ևս թուրքական սփյուռքը աջակցում է Ադրբեջանին և համաշխարհային հանրությանը այս հարցում առողջ տեղեկատվություն է տալիս»,-նշել է Իբարհիմովը:
«Internet haber» կայքը գրում է, որ Թյուքալեզու երկրների համագործակցության խորհրդի անդամ հանդիսացող Ղազաղստանն ու Ղըրղըզստանը ևս աջակցում են թուրքական թեզերին և այսուհետ ավելի սերտ են համագործակցելու: Իբրահիմովը նշել է, որ այս չորս երկրները արտասահմանում միասին են գործելու: «Սա կրկնապատկելու է մեր ուժը և մենք գործելու ենք թյուրքական աշխարհի դեմ ուղղված ցանկացած անօրենության դեմ»,-ընդգծել է ադրբեջանցի պաշտոնյան:
Leave a Reply