Թուրքիայում հայտաբերել են ներկայիս Գեզի այգու տեղում նախկինում գոյություն ունեցող հրետանային զորանոցների նախագիծն ու քարտեզը: Այդ նախագիծն արվել է 1869 թվականին, իսկ քարտեզը թվագրվում է 1913-ին: Ենթադրվում է, որ զորանոցները կառուցվել են 19-րդ դարի սկզբին` սուլթան Սելիմ 3-րդի կառավարման տարիներին:
Երկար ժամանակ տարածված էր այն կարծիքը, որ 1940 թվականին քանդված հրետանային զորանոցների վերաբերյալ ոչ մի քարտեզ կամ նախագիծ չի պահպանվել: Այս հարցի շուրջ գիտական շրջանակներում մի շարք վեճեր և քննարկումներ էին ծավալվել, և այս գտածոն պետք է վերջ դնի դրանց: Հայտնաբերված քարտեզներում պատկերված է զորանոցների տեսքը վերևից, ինչպես նաև դրանց գծագրերն ու շրջակայքի պատկերը: Գտածոն դեռևս չի ներկայացվել հանրությանը:
Ankakh.com
Leave a Reply