Գեզին գժտեցրել է Թուրքիայի վարչապետին և փոխվարչապետին. Taraf

Թուրքական Taraf թերթը հունիսի 20-ին հոդված է հրապարակել Գեզի այգու խնդրի շուրջ Թուրքիայի կառավարությունում ծագած հակասությունների մասին:  

Ըստ պարբերականի` Թուրքիայի վարչապետ Ռեջեփ Թայիփ Էրդողանի և փոխվարչապետ Բյուլենթ Արընչի միջև լուրջ վիճաբանություն է տեղի ունեցել: Բանը հասել է նրան, որ Արընչը հայտարարել է, թե հրաժարվում է փոխվարչապետի պաշտոնից, ինչպես նաև հեռանում է իշխող Արդարություն և զարգացում կուսակցությունից: Դրանից հետո նա լքել է նախարարների խորհրդի նիստը և միայն Թուրքիայի նախագահ Աբդուլլահ Գյուլի ջանքերի շնորհիվ է, որ հրաժարականի որոշումից հետ է կանգնել:

Թերթի տեղեկացմամբ` վիճաբանության հիմնական պատճառն այն էր, որ Արընչը պնդել է, թե պետք է ներողություն խնդրել ցուցարարներից և հարկ եղած դեպքում հարցը դնել հանրաքվեի: Էրդողանին անհանգստացրել է փոխվարչապետի մեղմ դիրքորոշումը:

Թուրքիայի փոխվարաչեպտ Բյուլենթ Արընչն արձագանքել է թերթի հրապարակմանը` այն համարելով լիովին հիմնազուրկ:

http://civilnet.am