Թուրքիայում շարունակվող ակցիաների հետևանքով երկիրը 53 մլն դոլարի վնաս է կրել. Էրդողան

Թուրքիայի կրած վնասն արդեն ավելի քան 20 օր շարունակվող բողոքի ակցիաների հետևանքով կազմել է 100 մլն լիրա (53 հազար դոլար):

Ինչպես տեղեկացնում է «Հուրրիյեթը», այդ մասին հայտարարել է Թուրքիայի վարչապետ Ռեջեփ Թայիփ Էրդողանը։

Վարչապետի խոսքով՝ բողոքի ակցիաներն առաջին հերթին բացասաբար են ազդել Թուրքիայի աղքատ բնակչության վրա։

Էրդողանը նաև նշել է, որ կառավարությունը պատրաստում է երկրի զարգացման նոր ծրագիր, որի շրջանակներում 5 տարվա ընթացքում գործազրկությունը նվազելու է 7.8 տոկոսով։

Թուրքիայում արդեն ավելի քան 20 օր շարունակվում են բողոքի ակցիաներն ընդդեմ Ստամբուլի Գեզի պուրակում ծառահատումների որոշման, որոնք, սակայն, արդեն վերածվել են հակակառավարական ակցիաների։

http://www.tert.am/am/news/2013/06/19/gezi-53/