Էրդողանի վարկանիշի անկման մասին գրած իշխանամետ Today’s Zaman-ի լրագրողը ձերբակալվել է

Թուրքիայում իշխանամետ Zaman օրաթերթի անգլալեզու տարբերակ Today’s Zaman պարբերականի լրագրող Ռումեյսա Քինգերը հունիսի 18-ի առավոտյան ձերբակալվել է Ստամբուլի Թաքսիմ հրապարակում։

Ձերբակալման մասին լուրը Today’s Zaman-ը գրել է, սակայն Zaman-ը չի անդրադարձել այդ թեմային։

Ուշագրավ է այն հանգամանքը, որ ձերբակալվելուց մեկ օր առաջ Ռումեյսա Քինգերը ներկայացրել էր մի հոդված, որտեղ ներկայացվել է  Metropoll հետազոտական ընկերության սոցհարցումների արդյունքները, ըստ որի, իշխող կուսակցության վարկանիշն իջել է մինչեւ 35 տոկոս։

Նշենք, որ Today’s Zaman-ի հրապարակման մեջ նշվել էր, որ հարցվածների 50 տոկոսը համարել է, որ Էրդողանի իշխանությունը ավտորիտար է դառնում։

«Գեզի այգին թող մնա որպես կանաչ տարածք»,-պատասխանել էին հարցվածների 63 տոկոսը, ինչը կրկին հարված էր Էրդողանին, ով պնդում է, թե Գեզի այգու պահպանության համար դուրս են եկել մի քանի թափթփուկ։

http://news.am/arm/news/158702.html