Այդ մասին երեկ նշել է Նյու Յորքի թուրքական կայքէջը` հիմք ընդունելով Ռուսաստանում հրատարակվող հայկական «Երկրամաս» թերթի հրապարակումը: Թուրքական կայքէջը այս թերթը համարում է «Ասպարէզի» ռուսաստանյան տարբերակը` ավելացնելով, որ Ղրիմի թաթարական խորհրդարանի նախագահ Մուստաֆա Ջեմիլօղլուն բուռն հակազդեցություն է ցուցաբերել Ուկրաինայի խորհրդարան ներկայացված Հայոց ցեղասպանության ճանաչման բանաձեւի առնչությամբ:
Ըստ կայքէջի` Ջեմիլօղլուն, որը նաեւ Ուկրաինայի խորհրդարանի պատգամավոր է, մատնանշել է. «Եթե բանաձեւը խորհրդարանում հաստատվի, խորհրդարանի նախագահը հազիվ թե դա վավերացնելու հակում ցուցաբերի»: Նա բանաձեւը վերագրել է Ուկրաինայի խորհրդարանի «անմտությանն ու անառողջ դատողությանը», ապա եւ շարունակել. «Ուկրաինայում թուրքական ծագումով մարդիկ թվաքանակով զգալի գերազանցում են հայերին: Բանաձեւի հեղինակները պետք է ի վիճակի լինեն կանխատեսել դրա ընդունման հետեւանքները: Բանաձեւի անցկացումը կվտանգի Ուկրաինայի հարաբերությունները Ադրբեջանի, Թուրքիայի եւ թուրքալեզու մյուս ժողովուրդների հետ, եւ դա լուրջ հարված կհասցնի Ուկրաինայի արտաքին քաղաքականությանը»:
Ջեմիլօղլուն միաժամանակ զգուշացրել է ուկրաինական իշխանություններին, թե բանաձեւի ընդունումը ոտքի կհանի երկրի թուրքական ծագումով քաղաքացիներին:
Այս ստահակի նախազգուշացումը ոչ այլ ինչ է, քան սպառնալիք, որն էլ լկտիության ակնհայտ դրսեւորում է: Սակայն դա չպետք է մեզ զարմացնի. թաթարը հայատյաց միեւնույն տականքն է` Ղրիմի, թե Կովկասի: Պարզապես ականջ է ծակում սրանց ոռնոցի բնույթ կրող ձայնակցումը:
Leave a Reply