Դինքի սպանության մասնակիցներից մեկին կալանավորել են

Թուրքիայում կալանավորել են «Ակօսի» նախկին խմբագրապետ Հրանտ Դինքի սպանության մասնակիցներից Էրսին Յոլջուին, տեղեկացնում է թուրքական «Դողան» գործակալությունը:

Յոլջուին ձերբակալել են Տրապիզոնում. ձերբակալությունից հետո նրան տեղափոխել են կալանավայր:

Ստամբուլի ծանր հանցագործությունները քննող 14-րդ դատարանը Յոլջուին դատապարտել էր 12 տարի 6 ամիս ազատազրկման` 2007 թ. Դինքի սպանությանը մասնակից լինելու համար: Նա ազատության մեջ էր գտնվում ինչպես դատավարության ընթացքում, այնպես էլ դատարանի վճռից հետո, մինչ Վճռաբեկ դատարանի որոշումը:

Վճռաբեկ դատարանն ուժի մեջ է թողել Ստամբուլի ծանր հանցագործությունները քննող 12-րդ դատարանի վճիռը, այն է` 12 տարի 6 ամիս ազատարկում, ինչից հետո էլ նրան կալանավորել են և տեղափոխել բանտ:

http://haynews.am/hy/1371623128