Իզմիրի փաստաբանների միության եւ Եւրոպայի փաստաբանների միության անդամ, փաստաբան Հուսեյին Դուրդուն Թուրքիայի վարչապետ Ռեջեփ Թայիփ Էրդողանի դեմ դատական հայց է ներկայացրել՝ պահանջելով պատժել նրան։
Թուրքական Sozcu պարբերականի փոխանցմամբ՝ Իզմիրի փաստաբանների միության եւ Եւրոպայի փաստաբանների միության անդամ, փաստաբան Հուսեյին Դուրդուն իր հայցում նշել է, որ Թուրքիայի վարչապետ Ռեջեփ Թայիփ Էրդողանը օսմանյան արխիվների շենքի բացման արարողության ժամանակ հայտարարել է. «Թաքսիմում 3 նախագիծ կա։ Թաքսիմում նաեւ մզկիթ ենք կառուցելու։ Դրա թույլտվությունը «Ժողովրդահանրապետական կուսակցության նախագահից կամ մի քանի թափթփուկներից չենք հարցնելու»։
Թուրք փաստաբանը պնդել է, որ այս արտահայտությանբ Էրդողանը վիրավորել է ժողովրդին եւ դրդել թշնամության եւ ատելության։ «Հուսով ենք, որ դատախազությունն ուշադիր կուսումնասիրի մեր բերած բոլոր փաստարկները եւ Թուրքիայի խորհրդարանից թույլտվություն կուզի՝ Էրդողանի դեմ դատական գործ հարուցելու համար»,-ասել է փաստաբանը։
Leave a Reply