Գեզի այգու իրադարձությունները խիստ հարվածել են Էրդողանի վարկանիշին

Ստամբուլի Գեզի այգու պահպանության համար հանդես եկած քաղաքացիներին, ինչպես նաեւ` ի պաշտպանություն Գեզի այգու Թուրքիայի տարբեր քաղաքներում փողոց դուրս եկած քաղաքացիների դեմ իշխանությունների ցուցաբերած դաժան միջամտությունների հետեւանքով Էրդողանի վարկանիշը եւ նրա գլխավորած կուսակցության վարկանիշը կտրուկ անկում է գրանցել։

Նույնիսկ իշխանամետ Todays Zaman-ի համար MetriPoll հետազոտական ընկերության կողմից կատարված սոցհարցումները տխրեցնելու են իշխող կուսակցությանը։

Ըստ հարցումների, Թուրքիայի ամենասիրված գործիչ է ճանաչվել նախագահ Աբդուլլահ Գյուլը՝ 72,5 տոկոսի պատասխաններով։

Եթե այս կիրակի լիներ ընտրությունները, ու՞մ կտայիք ձեր ձայնը հարցին, հարցման մասնակիցների 35 տոկոսը պատասխանել է իշխող կուսակցությանը, 23 տոկոսը՝ ընդդիմադիր Ժողովրդահանրապետականին, իսկ Ազգայնական շարժում կուսակցության օգտին պատասխանել է հարցվածների 14,5 տոկոսը։

Հարցվածների 36 տոկոսի կարծիքով՝ Էրդողանն ավելի ժողովրդավար է, իսկ 50 տոկոսի կարծում է, որ Էրդողանի իշխանությունն ավտորիտար է դառնում։

«Գեզի այգին թող մնա որպես կանաչ տարածք»,-պատասխանել են հարցվածների 63 տոկոսը, ինչը կրկին հարված է Էրդողանին, ով պնդում է, թե «Գեզի այգու պահպանության համար դուրս են եկել մի քանի թափթփուկ»։ 

http://news.am/arm/news/158538.html