Ապրիլի 24-ին սպանված Սևակի ծնողները սպասում են Վճռաբեկ դատարանի որոշմանը

«Թուրքագիտական պորտալը» Ստամբուլում կարճատև զրույց ունեցավ 2011 թվականի ապրիլի 24-ին բանակում թուրք ծառայակցի կողմից սպանված Սևակ Բալըքչըի հոր՝ Կարապետ Բալըքչըի հետ։

Կարապետ Բալըքչըն նշեց, որ որդու կորստի ցավը շարունակում է խիստ ծանր մնալ, և մխիթարություն գտնելը շատ բարդ է։
Անդրադառնալով Սևակի սպանության գործով դատավարության ընթացքին՝ Կարապետը նշեց, որ իրենք դիմել են Թուրքիայի վճռաբեկ դատարան և հույս ունեն, թե այստեղ գոնե որոշ չափով հնարավոր է արդարությունը վերականգնել։

Կարապետ Բալըքչըն նաև հավելեց, որ վերջին շրջանում սկսել է ավելի ակտիվ մասնակցել Ստամբուլի հայ համայնքի ներքին կյանքին ու անցուդարձին։

Ավագ Բալըքչըն նաև խոստացավ Սևակի սպանության գործով դատավարության նոր զարգացումների դեպքում տեղյակ պահել «Թուրքագիտական պորտալին»։

Հիշեցնենք, որ Սևակը թուրք ծառայակցի կողմից սպանվել էր ապրիլի 24-ին Սասունի զորամասերից մեկում պարտադիր ժամկետային զինծառայություն կրելու ժամանակ։ Թեև բազում փաստերին, որ մարդասպանը կանխամտածված է գործել՝ Սևակին կյանքից զրկելով հենց ապրիլի 24-ին, թուրքական դատարանը դեպքը համարել էր «ոչ կանխամտածված սպանություն» և մարդասպանին դատապարտել 4,5 տարվա ազատազրկման (փաստացի նա բանտում անցկացնելու է 3 տարի՝ հանած մինչ վճիռը կալանքի տակ պահված ժամկետը)։

http://haynews.am/hy/1371535155