Երեկ երեկոյան Շանլըուրֆա քաղաքում քայլերթ է անցկացվել՝ ի պաշտպանություն քրդական շարժման առաջնորդ Աբդուլլահ Օջալանի: Ոստիկանության հսկողության տակ անցկացվող քայլերթի ժամանակ հաճախ հնչել են «ազատություն Օջալանին», «Բարև Իմրալը, հազար բարև» արտահայտությունները, իսկ երթը, որը կազմակերպվել էր Խաղաղություն և ժողովրդավարություն կուսակցության շրջանային կազմակերպության կողմից, կրում էր «Պատվավոր կյանքի համար մի քայլ էլ դու արա» անունը:
Երթի մասնակիցները նշել են, որ Օջալանը արդեն քայլ է արել՝ կարգադրելով իր մարտիկներին հետ քաշվել, և հիմա պետք է, որ կառավարությունը ևս քայլ անի: «Դողան» լրատվական գործակալությունը հայտնում է, որ քրդերը ժողովրդավար կյանք ունենալու համար թուրքական կառավարությանը պահանջ են ներկայացրել, որը բաղկացած է 5 կետից: Մասնավորապես նրանք պահանջում են ազատել բոլոր քուրդ բանտարկյալներին և Օջալանին, գյուղերից դուրս բերել գյուղական պահակներին և բացահայտել նրանց կատարած հանցանքները, ապահովել քրդերի անվտանգ վերադարձը դատարկ գյուղեր:
Leave a Reply